Matarmikil chili súpa

3-4 msk græn ólífuolía
1 meðalstór laukur
1 púrra
2-3 hvítlauksrif
1 stór ferskur rauður chili eða 1/2 tsk þurrkaður
2 tsk cuminduft
2 tsk paprikuduft
1 dl tómatpúrré
2 grænmetisteningar
1 sæt kartafla
2-3 gulrætur
1 sellerístilkur
1 rauð paprika
ca 10 kartöflur
1 dós niðursoðnir tómatar, aukaefnalausir
2-3 dósir kókosmjólk
1 dl appelsínusafi
ferskt kóríander

• laukur & púrra er skorið frekar smátt og látið mýkjast í olíu í ca 15 mín ásamt fínt söxuðum hvítlauknum í potti/pönnu
• restin af grænmetinu er skorið í frekar litla bita og sett út í laukinn
• tómatarnir eru maukaðir og settir útí
• ef notað er ferskt chili er það skorið í litla bita og sett útí; ath ef þið viljið hafa réttinn sterkann eru steinarnir notaðir í réttinn en við mildari útgáfu er piparinn steinhreinsaður
• restinni af uppskriftinni er bætt útí og látið malla í ca 30-40 mín.
• ferskt kóríander er klippt yfir réttinn áður en borið fram